Scripto · Transcrire

Wikitext

ቈፅሉ：ወለኲሃ：ዘኀበ：ውኂዝ：ወትት
ፈሥሑ：በቅድመ：እግዚአብሔር：በ
6ዕለት：ወእፎ：ዝንቱ：ካልዕ：ወታነ
ብርዎሙ：ለትእዛዘቲነ：ዲበ：ልብክሙ：
ወነፍስክሙ：ወተዓሥርዎሙ：ለትእ
ምርት: ዲበ：እድዊክሙ：ወማእከለ：አ
ዕይንቲክሙ።
፮ ተስእሎ፡
ብክሙኑ፡ ኦሪት፡ መካልአን፡ መጻሕፍ
ተ፡ ነቢያት፡ በልሰነ፡ ዕብራይስጢ፡ አው፡ 
በካልዕ፡ ትርጓሜ፡ ንብብ፡ ለነ፡ አስማተ፡ 
መጻሕፍት፡ ዘብክሙ፡ በዕብራይስጥ፡ 
ንሕነሰ[ብነ?]፡ ኦሪት፡ ወካልአን፡ መጻሕፍተ፡ 
ነቢያት፡ ኲሎሙ፡ መጻሕፍተ። ሕግ፡ በ
ልሳነ፡ ዕብራይስጥ፡ ወትረ፡ ንትሜሀር፡ 
ቦሙ፡
፯ ተስእሎ፡
በአይ፡ ፊደል፡ ተጽሕፉ፡ ኦሪት[ክ]ሙ፡ ወመ
ጻፍቲክሙ፡ ዘበልሳነ፡ ዕብራይስጥ። 
አእምሩ፡ ከመ፡ ቀዳማዊ፡ ፊደል፡ ኢተጽ
ፈ፡ እምድኅረ፡ ፍልስተ፡ ባቢሎን፡ ወካልዕ፡ 
ፊደል፡ ተስይመ፡ እምአሜሃ፡ ዮምሰ፡ ፈኑ፡ 
ኅቤነ፡ ፩ደ፡ ኦሪተ፡ በልሳን፡ ወፊደል፡ ዘዕብ
ራውያን፡ ንሕነሂ፡ ናገብእ፡ ፍዳክሙ፡ ኦሪተ፡ 
ዚአነ፡ ከመ፡ ነአምር፡ በበመክፈትነ፡ ከመ፡ 
አሐቲ፡ ይእቲ፡ ኦሪትነ፡
፰ ተስእሎ፡ 
ብክሙኑ፡ ካልአን፡ መጻሕፍት፡ ዘእንበለ፡ 
መጻሕፍተ፡ ሕግ፡ አው፡ ጸሎታት፡ ለሰንበ
ታት፡ ወለከልአን፡ ቦዓላት፡ ንሕነ፡ ንጼሊ፡ ከ
መሀሩነ፡ ጠቢባነ፡ ዚአነ፡ አንትሙኒ፡ እመ፡ ፈነውክሙ፡ ጸሎታቲክሙ፡ ኅቤነ፡ ንሕነኒ፡ ን
ሬኑ፡ ዘዚአነ፡ ኀቤክሙ።
፱ ተስእሎ፡
መኑ፡ ሃይማኖትክሙ፡ ዲበ፡ መሲሕ፡ ዘይ
መጽእ፡ ዲበ፡ ሲአል፡ ወገነት፡ ትንሣኤ፡
ሙታን፡ ወመላእክት፡
፲ ተስእሎ፡
ምንት፡ ሥርዓትክሙ፡ [ስ?]ከብካብ፡ ዘይ
ደሉ፡ ወዘኢይደሉ፡ ቦኑ፡ በማእከሌክሙ፡
ዘይዌስክ፡ ካልአ፡ ከብካበ፡ ዘዲበ፡ ከብካ
ብ፡ ዘይደሉ፡ በኦሪት፡ ክሥት፡ ለነ፡ ሥርዓ
ተክሙ፡ እፎ፡ ትተረጒምዋ፡ ለትእዛዝ፡ 
ዘትብል፡ ለእመቦ፡ እኊሁ፡ ያውስባ፡ ለብ
እሲተ፡ እኁሁ፡ ዘሞተ፡ እንበለ፡ ደቂቅ፡ ት
ሄልዉኑ፡ በዝንቱ፡ ሥርዓት።
፲ወ፩ ተስእሎ፡
እንትሙኑ፡ ብዙኃን፡ አው፡ ውኁዳን።
ትገጼብሑኑ፡ ለመኳንንተ፡ ስሜን፡ አው፡
ለዘትግሬ።
፲ወ፪ ተስእሎ።
ተዜነው፡ በኅቤነ፡ ከመ፡ በኀቤክሙ፡ፈላ
ስያን፡ ካልእን፡ ዘይስመዩ፡ ቅማንት፡ ወከ
መ፡ ቦሙ፡ ኦሪት፡ ሙሴ፡ ወከመ፡ ትትቄየ
ምዎሙ፡ እንዳዒ፡ በጽድቅ፡ ውሉደ፡ እ
ስራኤል፡ ኢከኑ፡ ልስኖሙኑ፡ ፩ምስለ፡
ልሳንክሙ።
አፍቁራን፡ ኢጸሐፍነ፡ ዘተ፡ ጠማረ፡ በዕብ
ራይስጥ፡ እስመ፡ ኢነአምር፡ ዘከመ፡ ትጽ
ሕፉ፡ በቀዳማዊ፡ አው፡ በሐዲበ፡ ፊደል፡
ወፈነውናሃ፡ ለእንጦንዮስ፡ ኤውሮፓዊ፡
ዘበብሔርክሙ፡ ከመ፡ ያብጽሕ፡ ለአቡክ
ሙ፡ አባ፡ ይስሐቅ፡ ትሩፈ፡ ጽድቅ፡ አውሥ
ኡ፡ ለነ፡ በፍጡን፡ ወበክሡት፡ ፈኑ፡ ኀቤነ፡በ
ዕብራይስጥ፡ ኦሪት፡ ጦምሩ፡ ለነ፡በዕብራ
ይስጥ፡ እስመ፡ ብዙኃ፡ ንትፌሣሕ፡ ቦቱ፡ወ
ንሕን፡ ናወሥእ፡ ለክሙ፡ በልሳንክሙ፡ ወ
በፊደልክሙ።
ይንበር፡ ሰላመ፡ አምላከ፡አብርሃም፡ ዲቤክሙ
ይባርክሙ፡ ወያርኢክሙ፡ ውሉደክሙ፡ ወው
ሉደ፡ ውሉድክሙ፡ በሰላም፡ ለዓከም፡ አሜን፡
ጽሑፍ፡ በፓዱ፡ በምድረ፡ ኢታልያ፡ ዮም፡ ፳ወ
፱ አይሉል፡ በፍጸሜ፡ ዕለት፡ ዘ፸፻ወ፶፫ 
እምፍጥረተ፡ ዓለም፡ ዘበሐሳብክሙ፡

Revision: 2r (#7)

Informations complémentaires

Ressources liées

Wikitext